IQSH Fortbillen Froehjohr 2020
 

Karen Nehlsen, Koordinatorin för Regional- un Minnerheitenspraken in SH hett tosamen mit ehr Kooperatschoonspartners wedder en breed opstellte un interessante Programm an Fortbillen un Gelegenheiten sik fachlich uttotuuschen tosamenstellt. Neven en Blended-Learning-Format to'n Spraaklehren gifft dat Anbotten to Musik un Danzen, Rechtschrieven as ok Mööglichkeiten wodännig man an en School en Plattanbott schaffen oder utbuen kann. De Termine finnen sik rechts op düsse Siet, för en Översicht un mehr Informatschonen klicken Se bidde hier.

 

Platt in de Pleeg

 

Anbott an Fortbillens nich blots för Fachlüüd un Ehrenamtlers, de Opgaven in de Pleeg, as Hölper oder Betreuer övernehmen

 

Plattdüütsch kann bi dat Umgahn mit Minschen Dören opmaken, so dat een lichter en Togang to den annern finndt. Jüst för öllere Lüüd kann de Spraak hölpen sik wedder op Belevnissen to besinnen. 

Um mehr Hölpers de Mööglichkeit to geven dat Platt snacken as Slötel för dat Mitenanner to bruken, beden wi tosamen mit de Nordsee-Akademie  en Spraak-Urlaub över dree Daag un twee enkelte Reflexionsdaag för Betreuungskräfte an. 

Utsnitt PLATTSPOTS

 

Nu sünd se rut! 

 

Ölven niege Kortfilme, de Spaaß an un Lust op Plattdüütsch maken, harrn bi de 19. Flensburger Kortfilmdaag Premiere. Vör de Jury de dree Priesdreger bekanntgeev, worrn de Bidrääg nochmal kort för de Tokiekers in de prallvulle Kinosaal tosamenfaat:

Die Quest“ is: Wat is "Dat beste an Platt"spots 2019? Warrt vunjohr „Heringssalat“ „Dat Wiehnacht-seten“? Is man in „Leuleckerland“ „Platter als die Polizei erlaubt“? Wodännig worr „Heidi ohne Kabel“ „Ich bin Platt“ översetten? „Pass op“, denn „Platt lävt“ in „De Heimaad“!

Un denn keem dat rut: 

An de 22. November 2019 warrn in Flensburg, in’t Kino 51 Stufen (Düütsche Huus), um Klock veer (16:00) de nomineerten Filme ut de drütte Dörgang vun unse Trailerwettstriet PLATTSPOTS wiest un prämeert. All Interesseerten sünd hartlich willkamen un inlaadt dorbi to sien! Dat kost nix un achteran gifft dat noch Gelegenheit för en Snack bi en Glas Sekt (oder Alternativen).

Beten Achtergrund:

Na 2013 un 2016 hebben dat Zentrum för Nedderdüütsch ut Leck un de Flensburger Kortfilmdaag vunjohr to‘n 3. Mal to de Plattdüütsche Trailerwettstriet opropen. Mitmaken kunnen Filmmakers, Studerende un Schölers vun överall, „die den Norden so lieben wie wir“ stunn in de Regularien. Die Filme schölen Spaaß maken un Lust op Plattsnacken.

Bild HP Landesfachtag 2019 10 25 Veel is totiets  to lesen, hören un sehn vun Klaus Groth, de vunjohr 200 Johr old worrn weer. He hett mit sien plattdüütsche Wark unse Regionalspraak in de literarische Welt groot maakt. Ok op den Landesfachdag Nedderdüütsch speelt de Dichter en wichtige Rull, man nich alleen he. In verscheden Fachvördrääg un Workshops könen sik de Deelnehmers an den 25. Oktober 2019 in Kiel ut en rieke Anbott an Weten un praktische Bispelen bedenen un Anregen för dat Vermitteln vun unse plattdüütsche Spraak insammeln. 

Mehr to weten un wo een sik anmellen kann finnt sik hier.